ព័ត៌មាន: និន្នាការទីផ្សាររថយន្តនៅកម្ពុជា៖ តម្រូវការរថយន្តថ្មីមានការកើនឡើង រថយន្តអគ្គិសនីមានកំពុងប្រជាប្រិយភាព

ឯកឧត្តម ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូនកម្ពុជា បានប្រកាសនៅក្នុងព្រឹត្តិការណ៍ធំមួយថា តម្រូវការយានយន្តក្នុងស្រុកមានការកើនឡើងគួរឱ្យកត់សម្គាល់ ជាពិសេសជាមួយនឹងការកើនឡើងនៃការចាប់អារម្មណ៍លើរថយន្តថ្មី និងឥន្ធនៈហ្វូស៊ីលខណៈដែលរថយន្តអគ្គិសនី (EVs) ក៏កំពុងទទួលបានការពេញនិយមព្រោះជាជម្រើសដ៏ល្អមួយសម្រាប់ការការពារបរិស្ថានផងដែរ។

ព្រឹត្តិការណ៍នេះគឺជាពិធីសម្ពោធនិងបើកការសាកល្បងដែលរៀបចំឡើងដោយក្រុមហ៊ុន GTV MOTOR លោក ពៅ ម៉ាលី បានជួបពិភាក្សាការងារជាមួយរដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ប៉េង ពោធិ៏នា, ​រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ឡាវ ហ៊ីម, និងរដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មន្ត្រីជាន់ខ្ពស់មួយចំនួន រួមទាំងរដ្ឋលេខាធិការ ឯកឧត្ដមបណ្ឌិត ហេង សុខគង់ ជាសហប្រធានព្រឹត្តិការណ៍នេះ។ ព្រឹត្តិការណ៍នេះក៏បានទាក់ទាញការចូលរួមពីលោក ឃុន ចន្ថា អគ្គនាយកក្រុមហ៊ុន GTV Motor និងឥស្សរជនឧស្សាហកម្មជាច្រើនរូបផងដែរ។ 

ឯកឧត្តម ពៅ ម៉ាលី បានបង្ហើបថា ក្រុមហ៊ុនជាច្រើននៅក្នុងប្រទេសកម្ពុជាបានដំណើរការរោងចក្រដំឡើងរថយន្តរួចហើយ រួមទាំងម៉ាកល្បីៗលំដាប់អន្តរជាតិដូចជា FORD (RMA), HYUNDAI, និង TOYOTA ហើយក្រុមហ៊ុនជាច្រើនទៀតក៏គ្រោងនឹងបង្កើតរោងចក្រនៅក្នុងប្រទេសកម្ពុជាផងដែរ។ ប៉ុន្តែសម្រាប់GTV MOTOR មិនត្រឹមតែលើកកម្ពស់ការងារ និងផ្តល់តម្លៃរថយន្តកាន់តែមានតម្លៃសមរម្យប៉ុណ្ណោះទេ ថែមទាំងមានការដាក់លក់ម៉ូដែលដែលមានឈ្មោះជាភាសាខ្មែរ ជាការគួរឲ្យកយ់សម្គាល់ផងដែលថានេះជាជំហានថ្មីមួយក្នុងការអភិវឌ្ឍន៍ឧស្សាហកម្មរថយន្តជាតិរបស់កម្ពុជា។ កិច្ចខិតខំប្រឹងប្រែងទាំងនេះបានជួយជ្រួមជ្រែងកម្ពុជាប្រែក្លាយពីប្រទេសនាំចូល ទៅជាប្រទេសដែលមានសមត្ថភាពផលិតរថយន្តខ្លួនឯង និងអាចឈានចូលដល់ចំណាត់ថ្នាក់នៃបណ្តាប្រទេសឧស្សាហកម្មរថយន្តនៅក្នុងតំបន់អាស៊ានផង។

ឯកឧត្តម ពៅ ម៉ាលី ក៏បានគូសបញ្ជាក់ផងដែរថា វឌ្ឍនភាពនេះមិនត្រឹមតែស្របតាមផែនការនៃការអភិវឌ្ឍន៍ឧស្សាហកម្មរថយន្ត និងអេឡិចត្រូនិចរបស់កម្ពុជា ដែលបង្កើតដោយរដ្ឋាភិបាលក្នុងដំណាក់កាលដំបូងប៉ុណ្ណោះទេ ប៉ុន្តែថែមទាំងជំរុញការអភិវឌ្ឍឧស្សាហកម្មធុនធ្ងន់របស់កម្ពុជាថែមទៀត និងស្របពេលដែលត្រូវឆ្លើយតបនឹងតម្រូវការទីផ្សារក្នុងស្រុកផងដែរ។ លោកបានបន្ថែមថា រដ្ឋាភិបាលកំពុងធ្វើការប្រែក្លាយឧស្សាហកម្មរបស់កម្ពុជាពីពឹងផ្អែកលើកម្លាំងពលកម្មទៅពឹងផ្អែកទៅលើបច្ចេកវិទ្យា ដើម្បីគាំទ្រដល់កំណើនសេដ្ឋកិច្ចរយៈពេលវែង និងដាក់ទីតាំងឧស្សាហកម្មរថយន្តជាឧស្សាហកម្មសំខាន់មួយ និងផ្តល់អាទិភាពដល់ការអភិវឌ្ឍន៍ក្នុងប្រទេស។ អត្រាកំណើនជាមធ្យមនៃឧស្សាហកម្មនេះក្នុងរយៈពេល 5 ឆ្នាំចុងក្រោយនេះគឺ 11.3% ដែលបង្ហាញថា តាមរយៈកិច្ចសហប្រតិបត្តិការជិតស្និទ្ធរវាងរដ្ឋាភិបាល និងវិស័យឯកជន ឧស្សាហកម្មរថយន្តរបស់កម្ពុជាត្រូវបានគេរំពឹងថានឹងបន្តទទួលបានកំណើនយ៉ាងឆាប់រហ័ស។ 

លោក ឃុន ចន្ថា អគ្គនាយកក្រុមហ៊ុន GTV Motor មានប្រសាសន៍ថា ក្នុងនាមម៉ាករថយន្តដំបូងគេរបស់កម្ពុជា GTV មិនត្រឹមតែតំណាងឱ្យសមិទ្ធិផលជាប្រវត្តិសាស្ត្រនៃឧស្សាហកម្មរថយន្តក្នុងស្រុកប៉ុណ្ណោះទេ ប៉ុន្តែថែមទាំងបង្ហាញពីភាពរឹងមាំនៃផលិតផលជាតិ និងការរីកចម្រើននៃសេដ្ឋកិច្ចជាតិផងដែរ។ គំនិតផ្តួចផ្តើមនេះមិនត្រឹមតែផ្តល់ឱ្យប្រជាជនកម្ពុជានូវជម្រើសរថយន្តថ្មីប៉ុណ្ណោះទេ