ព័ត៌មាន: Liberty Carz និង HOYITO ចុះហត្ថលេខាលើអនុស្សរណៈយោគយល់គ្នា៖ ជំរុញកិច្ចសហប្រតិបត្តិការក្នុងទីផ្សាររថយន្តអគ្គិសនី!

នៅរសៀលថ្ងៃទី១៨ ខែកក្កដា ក្រុមហ៊ុន Liberty Carz និង HOYITO បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MOU) ដោយគូសបញ្ជាក់ថា ភាគីទាំងពីរនឹងអនុវត្តកិច្ចសហប្រតិបត្តិការស៊ីជម្រៅលើវិស័យយានយន្តអគ្គិសនី។កិច្ចសហប្រតិបត្តិការនេះមានគោលបំណងរួមគ្នាលើកកម្ពស់ការអភិវឌ្ឍទីផ្សាររថយន្តអគ្គិសនីរបស់កម្ពុជា និងរួមចំណែកជាវិជ្ជមានដល់ការថែរក្សា       បរិស្ថានតាមរយៈការចែករំលែកធនធាន ការផ្លាស់ប្តូរបច្ចេកវិទ្យា និងការពង្រីកទីផ្សារ។

ការចុះហត្ថលេខាត្រូវបានចូលរួម ដោយថ្នាក់ដឹកនាំជាន់ខ្ពស់ពីគូភាគីទាំងសងខាង។ ការចុះសហការនេះជាផ្នែកមួយដ៏សំខាន់នៃយុទ្ធសាស្រ្តរបស់ក្រុមហ៊ុនទាំងសងខាង។ ការសហការនេះនឹងនាំមកនូវឱកាសថ្មីៗ និងភាពមានសក្ដានុពលថ្មីសម្រាប់ទីផ្សាររថយន្តអគ្គិសនីនៅកម្ពុជា។

វេទិការរថយន្ត Liberty Carz ដែលជាវេទិកាសេវាកម្មរថយន្តចម្រុះឈានមុខគេមួយ មានមូលដ្ឋានអ្នកប្រើប្រាស់ទូលំទូលាយ និងធនធានឧស្សាហកម្មកម្រិតខ្ពស់។ ខណៈដែលរថយន្តអគ្គិសនី HOYITO 哪吒 បានប្រើប្រាស់ចំណេះដឹងស្រាវជ្រាវផ្នែកទីផ្សារដ៏ខ្លាំងក្លា របស់ខ្លួន ដើម្បីបញ្ចេញម៉ូដែលលក់ដាច់ដូចជា Neta AYA និង NETA U ដែលទទួលបានការគាំទ្រយ៉ាងទូលំទូលាយពីអ្នកប្រើប្រាស់ និងមានការពេញនិយមយ៉ាងឆាប់រហ័សនៅក្នុងទីផ្សាររថយន្តអគ្គិសនី។ ការសហការរវាងភាគីទាំងពីរនេះ នឹងអនុញ្ញាតឱ្យមានការប្រើប្រាស់អត្ថប្រយោជន៍របស់ពួកគេយ៉ាងពេញលេញ ដោយនាំមកនូវការចែករំលែកធនធាន និងផលប្រយោជន៍រួមគ្នា។

ការចុះហត្ថលេខាលើអនុស្សរណៈនៃការយោគយល់គ្នានេះ គឺជាដំណាក់កាលថ្មីមួយនៃកិច្ចសហប្រតិបត្តិការរវាង Liberty Carz Automotive Platform និង HOYITO Nezha New Energy Vehicles ។ នៅពេលអនាគត ភាគីទាំងពីរនឹងធ្វើកិច្ចសហប្រតិបត្តិការលើវិស័យជាច្រើនទៀត បន្តធ្វើឱ្យទំនាក់ទំនងកិច្ចសហប្រតិបត្តិការកាន់តែស៊ីជម្រៅ និងរួមគ្នាជំរុញការអភិវឌ្ឍន៍ឧស្សាហកម្មយានយន្តអគ្គិសនីនៅកម្ពុជា។ ភាគីទាំងពីរពោរពេញដោយទំនុកចិត្ត និងការរំពឹងទុកសម្រាប់កិច្ចសហប្រតិបត្តិការនាពេលខាងមុខ ហើយជឿជាក់ថា តាមរយៈកិច្ចខិតខំប្រឹងប្រែងរួមគ្នា ផលប្រយោជន៍ទៅវិញទៅមក និងលទ្ធផលឈ្នះ-ឈ្នះ នឹងត្រូវបានសម្រេច ហើយការអភិវឌ្ឍន៍ប្រកបដោយចីរភាពនៃឧស្សាហកម្មនឹងត្រូវបានលើកកម្ពស់។

ជាមួយនឹងការធ្វើកិច្ចសហប្រតិបត្តិការស៊ីជម្រៅរវាង Liberty Carz និង HOYITO ទីផ្សាររថយន្តអគ្គិសនីនៅកម្ពុជាត្រូវបានគេរំពឹងថានឹងនាំមកនូវឱកាសអភិវឌ្ឍន៍ថ្មីៗ។ ភាគីទាំងពីរនឹងបន្តប្រកាន់ខ្ជាប់នូវគោលគំនិតនៃកិច្ចសហប្រតិបត្តិការឈ្នះ-ឈ្នះ បន្តរិះរក និងច្នៃប្រឌិត ព្រមទាំងរួមចំណែកដល់ការលើកកម្ពស់ការការពារបរិស្ថានជាសកល។