ព័ត៌មាន: ម៉ូដែល​រថយន្ត​ដ៏ពិសេស​នឹង​មក​ដល់​ក្នុង​ឆ្នាំ ២០២៤

ឆ្នាំ ២០២៤ គឺត្រូវបានចាត់ទុកជាឆ្នាំដ៏ជោគជ័យមួយសម្រាប់ពិភពរថយន្ត ដោយសារតែម៉ូដែលរថយន្តជាច្រើនដែលប្រកបដោយភាពច្នៃប្រឌិត និងទំនើបកំពុងរៀបចំនឹងបញ្ចេញមុខ។ ឥឡូវនេះ Liberty Carz សូមណែនាំលោកអ្នកនូវម៉ូដែលរថយន្តល្បីៗមួយចំនួនដែលនឹងរំពឹងថានឹងបង្ហាញខ្លួននៅឆ្នាំក្រោយ នេះ។

1. Tesla Model Y (Facelift)

Tesla នូវតែបន្តភាពល្បីល្បាញជាមួយនឹងរថយន្តម៉ូដែល Y SUV ប្រើប្រាស់ដោយអគ្គិសនីរបស់ខ្លួន ដោយឆ្លងកាត់ការកែទម្រង់ជាថ្មី។ ការអាប់ដេតនេះត្រូវបានគេរំពឹងទុកថា រថយន្តថ្មីនេះនឹងមានការរចនាប្លែក ការកែលម្អទៅលើដំណើរការ និងមុខងារបើកបរដោយខ្លួនឯង ដែលនឹងកំណត់ស្តង់ដារថ្មីសម្រាប់រថយន្តអគ្គិសនីនៅលើទីផ្សារ។

2. Ford Bronco Raptor

រថយន្ត Ford Bronco Raptor ស៊េរី off-road មួយនេះនឹងក្លាយជាចំណុចលេចធ្លោគួរឱ្យកត់សម្គាល់នៅឆ្នាំ ២០២៤ ផងដែរ។ ជាមួយនឹងសមត្ថភាពក្នុងការបើកបរគ្រប់កាលៈទេសៈ និងបំពាក់ដោយមុខងារទំនើបៗ រថយន្តនេះសន្យាថានឹងបំពេញចិត្តអ្នកចូលចិត្តការបើកបរលក្ខណៈ Off Road ជាមិនខាន។

3. Mercedes-Benz EQE

ក្រុមហ៊ុន Mercedes-Benz នឹងណែនាំរថយន្ត EQE ប្រភេទsedan ដើម្បីចាត់ឈ្មោះរបស់ខ្លួនសាជាថ្មីនៅក្នុងវិស័យរថយន្តអគ្គិសនី។ ជាមួយនឹងរចនាបថដ៏ប្រណិត និងបច្ចេកវិទ្យាទំនើប EQE មិនត្រឹមតែជារថយន្តអគ្គិសនីធម្មតាប៉ុណ្ណោះទេ ប៉ុន្តែវាក៏ជារូបតំណាងនៃរចនាបថថ្មីផងដែរ។

4. Porsche 911 Hybrid

Porsche 911 តែងតែជារូបតំណាងនៃល្បឿន និងប្រណិតភាព។ នៅឆ្នាំ ២០២៤ រថយន្តនេះនឹងទទួលបាននូវកំណែទម្រង់ថ្មី ជារថយន្ត Hybrid ដែលរួមបញ្ចូលគ្នានូវដំណើរការដ៏ខ្លាំងខ្លា និងមុខងារអភិរក្សបរិស្ថានជាដើម។

5. Toyota GR Corolla

ត្រកូលរថយន្តស្ព័ររបស់ Toyota បានបន្តពង្រីកទិសដៅរបស់ខ្លួនជាមួយនឹង GR Corolla ។ ជាមួយនឹងការបំពាក់ដោយម៉ាស៊ីន turbocharged រថយន្តនេះបានពង្រឹងស៊េរី Corolla ខាងផ្នែកម៉ាសុីន និងការបើកបរប្រកបដោយភាពជឿជាក់។

សរុបមក ឆ្នាំ ២០២៤ នេះប្រាកដជានឹងជាឆ្នាំមួយដែលពោរពេញទៅដោយការទន្ទឹងរង់ចាំជាមួយនឹងការមកដល់នៃម៉ូដែលរថយន្តទំនើបៗ និងប្លែកៗដូចការរៀបរាប់ខាងលើនេះ។ ចាប់ពីរថយន្តអគ្គិសនី រហូតដល់រថយន្តទំនើបដែលមានសមត្ថភាពខ្ពស់ អ្នកចូលចិត្តរថយន្តទាំងឡាយនឹងរីករាយជាមួយបទពិសោធន៍ដ៏អស្ចារ្យនេះក្នុងពេលខាងមុខនេះជាមិនខាន។ ដូច្នេះ សូមបន្តការតាមដាននូវការអាប់ដេតចុងក្រោយបំផុតរបស់ពិភពរថយន្តនេះជាមួយពួកយើងទៀតណា!