ព័ត៌មាន: រថយន្តអគ្គិសនីទាំង ៥ ដែលមានផ្ទៃខាងក្នុងស្រស់ស្អាតបំផុត

ការបង្កើតឡើងនៃរថយន្តអគ្គិសនីកំពុងផ្លាស់ប្តូរបទពិសោធន៍នៃការបើកបររបស់មនុស្សគ្រប់រូប។ រថយន្តទាំងនេះដំណើរការដោយម៉ាសុីនដែលមានសម្លេងតិច ធ្វើអោយអ្នកបើកបរទទួលបាននូវបទពិសោធន៍ក្នុងការបើកបរយ៉ាង​ស្ងៀមស្ងាត់ និងប្រកបទៅដោយភាព​រលូនផងដែរ។ ការផលិតរថយន្តប្រភេទថ្មីនេះបានបំផុសគំនិតអ្នកផលិតឱ្យ ផ្ដោយសំខាន់ទៅលើការបង្កើតផ្ទៃខាងក្នុងរបស់រថយន្តអោយកាន់តែស្អាតជាងមុនផងដែរ។

ចំពោះរថយន្តអគ្គិសនី ផ្ទៃខាងក្នុងមិនផ្ដោតទៅលើតែអំពីសោភ័ណភាពតែប៉ុណ្ណោះទេ អ្វីដែលសំខាន់ជាងនេះទៅទៀតនោះគឺ ការបង្កើន​បទពិសោធន៍នៃការ​បើកបរ​ឯណោះទេ។ តាមរយៈការសិក្សាបន្ថែម យើងបានស្វែងបន្ថែមយល់ពីថយន្តអគ្គិសនីថ្មីៗជាច្រើន ដើម្បីបង្ហាញពីម៉ូដែលកំពូលទាំង ៥ ដែលមានការរចនាផ្តៃខាងក្នុងប្រកបទៅដោយសោភ័ណភាព និងផ្ដល់នូវភាពងាយស្រួលដល់ការបើកបរផងដែរ។  

១. រថយន្ត Hyundai Ioniq ម៉ូដែលទី ៥

រថយន្ត Hyundai Ioniq ម៉ូដែលទី ៥ ទទួលបានប្រជាប្រិយភាពយ៉ាងខ្លាំង ដោយសារតែការរចនាផ្នែកខាងក្នុងរបស់រថយន្តនេះមានរចនាបថទំនើប ថែមទាំងមានភាពធំទូលាយទៀតផង។ អ្វីដែលពិសេសគឺជាការបំពាក់ទៅដោយអេក្រង់ទំហំ ១២.២៥ អ៊ីញចំនួនពីរ ដែលធ្វើអោយរថយន្តនេះកាន់តែមានភាពទំនើបជាងមុនទៅទៀត។ អេក្រង់​នៅចំណុចកណ្តាលត្រូវបានប្រើប្រាស់សម្រាប់ការកម្សាន្ត និងគ្រប់គ្រងមុខងារ HVAC ជាអរក្រង់ប្រភេទប៉ះមានលក្ខណៈងាយស្រួលប្រើប្រាស់ដែលផ្តល់ជូននូវព័ត៌មានសំខាន់ៗដូចជាល្បឿន និងកម្រិតថ្ម​ ជូនទៅកាន់អ្នកបើកបរ។

២. រថយន្ត Tesla ម៉ូដែលទី ៣

រថយន្ត Tesla ម៉ូដែលទី ៣ បាននាំយកមកនូវការរចនាផ្ទៃខាងក្នុងនាពេលអនាគតជូនមកកាន់រាល់អតិថិជន។ អ្វីដែលពិសេសគឺជាការបំពាក់ទៅដោយអេក្រង់ទំហំ ១៥.៤ អ៊ីង ដែលត្រូវបានបំពាក់ជាទម្រង់ផ្ដេក មិនដូចរថយន្តភាគច្រើននោះឡើយ ដែលធ្វើអោយអេក្រង់នេះហាក់បីដូចជាមានភាពអណ្តែត នៅពេលពេលដែលលោកអ្នកអង្គុយនៅកៅអីខាងមុខ។ ដោយការរចនាបែបសាមញ្ញ ផ្ទៃខាងក្នុងរបស់រថយន្ត Tesla ម៉ូដែល ៣ នេះមានទំហំធំទូលាយ គ្មានភាពរញ៉េរញ៉ៃ និងមានលក្ខណៈងាយស្រួលប្រើ ដោយប្រកាន់ខ្ជាប់នូវទស្សនវិជ្ជានៃការរចនាម៉ាកយីហោចាប់តាំងពីការចាប់ផ្តើមរបស់ក្រុមហ៊ុននេះមកម្លេះ។

៣. រថយន្ត Ford Mustang Mach-E

ការផ្លាស់ប្តូររបស់ក្រុមហ៊ុន Ford ក្នុងការនាំយករថយន្ត Mustang ចូលទៅក្នុងពិភពរបស់រថយន្តអគ្គិសនីបានធ្វើឱ្យអ្នកគាំទ្រមួយចំនួនមានភាពភ្ញាក់ផ្អើលយ៉ាងខ្លាំង ប៉ុន្តែរថយន្ត Mustang EV មានទាញយកចំណាប់អារម្មណ៍របស់អ្នកគ្រប់រូបជាមួយនឹងបច្ចេកវិជ្ជាទំនើប និងការរចនាផ្នែកខាងក្នុងដែលមានភាពទំនើបអស្ចារ្យរបស់វា។ ថ្វីត្បិតតែមានរូបរាងតូចបន្តិចក្ដី រថយន្តនេះអាចផ្ទុកអ្នកដំណើរបានប្រាំនាក់ និងអាចដាក់ទុកអីវ៉ាន់បានយ៉ាងងាយស្រួលផងដែរ។ ផ្ទៃខាងក្នុងបានរចនាឡើងយ៉ាងប្រណិត ដោយការបំពាក់ទៅដោយសម្ភារៈដែលមានគុណភាពខ្ពស់ និងមានអេក្រង់ប៉ះនៅចំកណ្តាលដ៏ធំមួយសម្រាប់ការប្រើប្រាស់មុខងារផ្សេងៗ និងប៊ូតុងមួយចំនួនដែលផ្ដល់ភាពងាយស្រួលសម្រាប់ការគ្រប់គ្រងព័ត៌មានកម្សាន្តពេលបើកបរផងដែរ។

៤. រថយន្ត Tesla ម៉ូដែល S

រថយន្ត Tesla ម៉ូដែល S បាន​ធ្វើ​បដិវត្ត​ឈុត​រថយន្ត​ប្រភេទនេះ​ជាមួយនឹង​ផ្នែក​ខាងក្នុង​ដ៏​ទំនើបអស្ចារ្យ​។ នៅក្នុងកំណែដំបូង រថយន្តនេះត្រូវបានបំពាក់ទៅដោយអេក្រង់ប៉ះបញ្ឈរទំហំ ១៧ អ៊ីញដ៏ធំនៅលើផ្ទាំងគ្រប់គ្រង រីឯកំណែចុងក្រោយបំផុត Tesla បានផ្លាស់ប្ដូរទៅជាការប្រើប្រាស់អេក្រង់ប្រភេទប៉ះ ដែលមានទិសផ្ដេកស្រដៀងទៅនឹងរថយន្តម៉ូដែល ៣ ដែរប៉ុន្តែបន្ថែមនូវលក្ខណៈពិសេសជាច្រើនថែមទៀត។ 

៥. រថយន្ត Porsche Taycan

រថយន្ត Porsche Taycan បានទាក់ទាញចំណាប់អារម្មណ៍របស់មនុស្សគ្រប់រូបជាមួយនឹងលក្ខណៈពិសេសសំខាន់ៗ រួមមានកៅអីអង្គុយដែលផ្តោតតៅលើភាពងាយស្រួលរបស់អ្នកបើកបរ និងប៊ូតុងចំនួយសម្រាប់អ្នកបើកបរផងដែរ។ ផ្ទៃខាងក្នុងដែលត្រូវបានរៀបចំយ៉ាងប្រណិត ដោយការបំពាក់អេក្រង់កុងសូលកណ្តាលទំហំ ១០.៩ អ៊ីង ជាមួយនឹងអេក្រង់សម្រាប់អ្នកដំណើរអង្គុយខាងមុខផងដែរ។ ការរចនាផ្នែក​ខាង​ក្នុង​ដែលត្រូវបាន​តុបតែង​ដោយ​សម្ភារៈ​ដែល​មាន​គុណភាព​ខ្ពស់​ ឆ្លុះ​បញ្ចាំង​ពី​ភាព​អស្ចារ្យ​របស់រថយន្តថ្មីរបស់ Porsche នេះ។ 

សរុបមក ម៉ូដែលរថយន្តអគ្គិសនីកំពូលទាំង ៥ នេះបានបង្ហាញពីការរចនាផ្ទៃខាងក្នុងដ៏អស្ចារ្យ ដែលរួមបញ្ចូលគ្នានូវបច្ចេកវិទ្យាទំនើបជាមួយនឹងការរចនាដ៏ប្រណិតផងដែរ ដូចជាការប្រើប្រាស់អេក្រង់ប៉ះជាដើម។ លោកអ្នកអាចស្វែងរករថយន្តអគ្គិសនីជាច្រើនម៉ូដែលតាមរយៈកម្មវិធី Liberty Carz ដែលជាកម្មវិធីទិញ លក់ និងជួលរថយន្តឈានមុខគេបង្អស់នៅក្នុងប្រទេសកម្ពុជា។